/տերեւները խմբված շշուկով խոսում են/
Դեղին տերեւ-կարմրիկ շա՞տ ես մրսում:
Կարմիր տերեւ-շա՜տ –շա՜տ…
Վախկոտ տերեւ- իսկ ես շատ-շատ վախենում եմ: երեկվա քամուց հետո տեղս բոլորովին չեմ գտնում: այն ի՜նչ սարսափելի քամի էր, սիրտս դող էր ընկել, լեզուս չորացել…
Դեղին տերեւ- լավ, լավ, հանգստացիր, ա՛յ վախկոտիկ…
Կարմիր տերեւ -պահ, պահ, անվախիս տեսեք, ծառաբնի խոռոչում ծպտվել ես ու մի բան էլ դեռ մեծախոսում՝ հանգստացի՜ր, հանգստացի՜ր…
Վախկոտ տերեւ- կռվելու ժամանա՞կ եք գտել դուք էլ, բա որ քամին նորից գա ու իր թեւերը փռի՜, բա որ արեւը մոռանա՜ մեզ ու հանկարծ քնի, մենք էլ մրսենք, շա՜տ մրսենք : բա որ ջրին խառնվենք ու գնանք-թափվենք այն սառը գետը ու մրսե՜նք, շա՜տ մրսենք…
/Սկսում է ավելի վախենալ ու կուչ գալ/
Դեղին տերեւ-ճառ ասելու փոխարեն ավելի լավ բան մտածեցի. Լսեք, հիմա բոլորիդ տրամադրությունը կբարձրացնեմ…
/երգում է պարծենալով ՝
ես տերեվն եմ ուժեղ,
Լա-լա-լա-լա-լա,
Ինձ նայեք, հիացեք,
Լա-լա-լա-լա-լա
Ինձ հետ մի վախեցեք,
Լա-լա-լա-……/
/Երգը կիսատ թողնելով եւ վերջին հնչյունները երկարացնելով՝ հանկարծ կանգ է առնում , երբ նկատում է հեռվից եկող ծաղրածուներին/:
Երեք ծաղրածու/ հեռվից երգելով գալիս են՝
Մեր այս երգը մենք երգում ենք
Շատ-շատ մեղմ,
Ու կրկնում ենք այս նույն երգը
Ոչ շատ մեղմ,
Եվ հետո նորից երգում ենք
Քիչ ուժեղ,
Իսկ հիմսա երգում ենք երգը
Շատ ուժեղ: թող նորից հնչի մեր երգը
Քիչ ուժեղ,
Եվ վերջին անգամ երգում ենք
Շատ, շատ մեղմ….
Առաջին ծաղրածու-վա՚հ, էս ու՞ր ընկանք. Իսկ ու՞ր է աշնան հանդեսը, ու՞ր են մանուկները, ու՞ր է աշունը:
Երկրորդ ծաղրածու-Հապա նայիր այնտեղ՝ այն մասում, տես՝ ինչպես է հաստաբուն կաղնին խոնարհվել քամու առաջ…
Երրորդ ծաղրածու- նայիր՝ այնտեղ երիտասարդ կեռասենիներն էլ են օրորվում մեղմիկ, անուշ խշխշում…
/Երեք ծաղրածուներն էլ սկսում են հիանալ եւ տարվել աշնան գույներով/
Աշխույժ ծաղրածու՝ / ծիծաղելով/- լավ հիշեցրիր, մի շատ լավ ոտանավոր հիշեցի կեռասենիների մասին, աշնան հանդեսի ժամանակ անպայման կարտասանեմ:
Առաջին ծաղրածու/ վերջին բառերը լսելով՝ նայում է աշխույժին/ -ի՞նչը կարտասանես…
Աշխույժ ծաղրածու- ինչպե՞ս թե ինչը /հպարտորեն/ , ոտանավորը…
Երկրորդ ծաղրածու-ի՞նչ ոտանավոր…
Աշխույժ ծաղրածու/ արտասանում է/
Կեռասենիներ, կեռասենիներ,
Դուք ծաղկանկար շորերով հարսներ,
Հիմա բացել եք դուք հարսնահանդես,
Ու պար եք բռնել զիզի հարսի պես…
երկրորդ, երրորդ ծաղրածուներ՝/միասին ծիծաղելով/-զիզի ՜ հարսի պես…
առաջին ծաղրածու- դե լավ էլի , մենք մոլորվել ենք , իսկ դուք անվերջ կատակում եք. Այստեղ ոչ մի հանդես էլ չկա, ոչ մի աշուն…
երկրորդ, երրորդ ծաղրածուներ/ դեռ ծիծաղում ու երգում են/-զիզի հարսի պես…
աշխույժ ծաղրածու –մի այստեղ նայեք, սրանից էլ լավ աշուն, տեսեք թե ինչքան դեղին-կարմիր տերեւներ կան այստեղ, իսկական ոսկու օվկիան լինի ասես…
/արտասանում է/- հունդը լցվել է ոսկով,
Այգին ծփում է ոսկով,
Բերքն էլ ոսկի է դարձել,
Երգն էլ ՝ոսկի իր խոսքով…
Երկրորդ ծաղրածու-դու իզուր բանաստեղծ չդառար, թե չէ ինչ ես, քնարական մի պոետ՝ ցնդած մի ծաղրածու/ ծիծաղում են մյուսները/
Կարմիր տերեվ-/ ընկերներին դիմելով/ ծաղրածու՞:ես լսել եմ, որ ծաղրածուները վնաս չեն տալիս ոչ մեկին…
Վախկոտ տերեվ-/ուրախացած/-հա՞, ինչ լավ է/ ծափ է տալիս/
Դեղին տերեւ- նրանք ասացին, որ աշնան հանդեսի են գնում…
Կարմիր տերեւ- խնդրենք , մեզ էլ տանեն
Վախկոտ տերեւ/ուրախացած թռչկոտում է/ -ուռա՜, ուռա՜
Ծաղրածուներ / միասին/ -այս ի՞նչ ձայներ են
Առաջին ծաղրածու/ վերցնելով ՝ իր կողմ քաշելով վախկոտ տերեւվիկին/ ո՞վ ես դու…
Վախկոտ տերեւ- ես, ես, մենք ենք՝ աշնան տերեւները:
Կարմիր տերեւ- աշնան հանդեսի կարմիր- դեղին տերեվիկները.
Առաջին տերեւ- մեզ էլ կտանե՞ք ձեր հանդեսին…
/Մյուս տերեւները միասին /-տարե՜ք, տարե՜ք…
Աշխույժ ծաղրածու-իսկ դուք երգել , արտասանել գիտեք
Երկրորդ ծաղրածու- /հիշելով ծիծաղում է/ հա, զիզի հարսի պես….
Տերեվիկներ- գիտենք, գիտենք,
Դեղին տերեվիկ- մենք կարող ենք նույնիս պարել աշնամ մեղեդու տակ
/ հնչում է երաժշտություն. Պարում են սկզբում
տերեւիկները, հետո նրանց են միանում ծաղրածուները/:
Ողջոյն..Կարդացի աշնանային միջոցառման այս հիասքանչ, պատկերավոր ու անչափ հետաքրիր սցենարը և անմիջապես ցանկութիւն ունեցայ խորին շնորհակալութիւն հայտնելու սցենարի հեղինակին`Արմինեին ինչպես նաև մարդկանց որոնք հրապարակեցին այս նիւթը համացանցը որպես միջոց օգտագործելով..ընդունեք իմ խորին երախտագիտութիւնն ու շնորհակալութիւնը այս հրաշալի անակնկալի համար..Մաղթանքս է որ Ձեր այսպիսի շնորհալի գործերը պահեն իրենց շարունակականութիւնը ի շահ հայ մանուկների...Ամենայն բարին Ձեզ
ОтветитьУдалить